26 يوليو وتفويض الجيش

طلع السيسي من يومين ودعا الشعب للنزول لتفويض الجيش لحرب اﻻرهاب وكل مصري حط التاتش بتاعه ف تفسير موقف المؤسسة العسكرية وبعدين امبارح طلع بيان تفسيري نوعا ما ..
التفسيرات المتاحة وغير المتاحة عن الموقف مش هتطلع بره النقط دي
1_ الجيش محتاج تفويض شعبي لفض اعتصامات اﻻخوان وضربهم وقتلهم الخ الخ
2_ الجيش محتاج الناس ترجع الميادين للضغط الدولي بسبب اعتراف المجتمع الدولي ان اللي حصل في مصر انقﻻب عسكري وهايبدأ في فرض عقوبات سياسية واقتصادية على مصر
3_ ان الجيش خلص كل اوراقه وبيلجأ لورقة الضعط الوحيد اللي ناقصاله وهو الحشد لمواجهة كل المعترضين عليه سواء كانوا م اﻻخوان و اللي تبعهم او م المعارضة ورافضين اﻻعﻻن الدستوري والفلول اللي ف الحكومة
4_ الجيش بيفرد عضلاته كالمعتاد وبيحاول ياخد كارت بﻻنش لانه يعمل اي حاجه ي مصر اﻻيام الجايه
5_ انه بيحاول يكسب اكبر قدر م الشعب وبيخلص ع اﻻخوان والقوى اﻻسﻻمية وبعدين يفض للقوى المدنية يأزأز فيهم ويخلاله الجو .
6_ ان الجيش حلو وجميل وامور وفعلا عاوز تفويض لمحاربة اﻻرهاب الي زاد ف مصر وعشان ميحصلوش حرج داخي او خارجي في حربه دي على اﻻرهاب
كل النقط الي فاتت كلنا عمالين نهري فيها بقالنا يومين
في مننا اللي فاكر ممارسات الجيش من 54 لحد دلوقت وفيه اللي فاكر عنف المجلس العسكري وتصرفاته وفيه اللي بيفصل بين السيسي والي قبله كلهم وفيه اللي بيحرض ضد الجيش باعتبار ان اللي حصل انقلاب
ايا كان كل حد مع مين وباعتبار اني دايما ليا دماغ غير القطيع اوقات بتفق واوقات بختلف ف اﻻراء اﻻ اني المرة دي مش مطمنة . (نقطة)