عن يوم تدريبي في الفيوم اتحدث ..

النهارده كان عندي تدريب في الفيوم انا ويوسف زميليالتدريب عبارة عن جلستين تدريبيتين الاولى عن الاتصال الجماهيري ودي اداها يوسف والتانية عن الاحصاء وجمع البيانات ودي انا ادتهايوسف اثناء الجلسة بتاعته قال " ربنا خلق ناس كانت موجودة قبل ادم "وهنا اتفتحت عليه نار جهنم من المتدربين اللي كلهم من الفيوموكأنه قال ان مفيش ربنا والعياذ باللهوالدنيا اتلقبت ومقعدتش ودخله معاه كلهم في جدل سفسطائي حول نصرة الدين الاسلامي خاصة والاديان السماوية عامة
ويأكدلهم ان العلم اكتشف دا ومفيش في القرآن ما يخالف الكلام داعموما انا مش عارفة النقطة دي كويس في القرآن والسنة بيقولوا فيها ايه
لكن اللي اعرفه وحاولت اوصله للناس ان لكل واحد رأي ووجهة نظر لازم يعبر عنها بحرية حتى لو كانت ضدك او انت مختلف معاها وليك مطلق الحرية انك تقتنع وتوافق او لا ..المهم جيت للجلسة بتاعتي وكلهم كانوا متحفزين ليا بشكل عجيب استغربته بيقاطعوني بطريقة عجيبة وبيثبتوا ان كلامي مش جديد عليهم رغم اني لما سألتهم في بعض التفاصيل معرفوش يجاوبوا اصريت انقلهم معلوماتي كاملة عشان يستفيدوا لكن الضوضاء خلتني افقد اعصابيوهنا بدأت متصرفش كمدرب واتصرفت كحد اتعرض لاهانة واتغيرت تصرفاتي تماما واشتكوا من داالمهم كدا اليوم خلص وبعد تعبيرنا عن استيائنا وتحليلنا للموقف انا ويوسفوبعيد عن التصنيف المعتاد ان الفيوم اغلبها اخوان سلفيين – دا مايهمنيشبعد ما روحت الفندق كتبت على الفيس استيتس ومنشنت فيها يوسف عن محاولة تكفيره وكتبت"بمجرد كلامك عن حقيقة علمية تتعارض مع تفسيرات الدين التي هي عبارة عن اجتهادات للعلماء , يرد عليك البعض : "انت كافر" !يا له من مجتمع عجيب !"
بعدها توالت تعليقات احد المتدربين في محاولة نصح يوسف انه يرجع عن فكره لانه مسلم ولازم يؤمن بالقرآن وهكذا ويوسف يوضح ان كلامه مش بيعارض الدين ورفض محاولة تصنيفه وتكفيرهوبعدها نفس المتدرب كتب استيتس على الفيس عنده فيها :عندما يقف الجاهل على منصة التدريب عندها لا حرج على احد "" كل دا ويبان انه سوء تفاهم او مشكلة حصلوا في تدريب عادي او بوجهة نظر تانية فشل اتنين مدربين في عمل يوم تدريبي جيد او بوجهة نظر تالتة سوء اختيار للمتدربينلكن انا مش واخداه كدا ..
بعتبر اللي حصل دا جرس انذار كالمعتادكل ما بروح مكان ادرب فيه باخد منه انذاراما بتمسك بجهل عادات وتقاليد او تمسك خاطيء بنصرة الدين او ادعاء التثقف او الذاتية او غيرها من الملاحظات اللي باخدها في كل تدريب وبشتغل عليها وبغيرها على مدار ايام التدريب
المرة دي الموضوع خطركون شباب في اوائل العشرينات وهما صفوة مجتمعهم "الفيومي" ويكونوا بهذا المستوى من الفكر فدا لازم يخلينا نحط عينينا على الجيل دا .. حقيقي محتاجين شغل