ندى عزيز

كلنا ملاحظين ان عندنا 80 مليون فيلسوف مصري كل واحد فيهم بيفهم اكتر من التاني وياعيني مش قادر يحجب علمه عن الباقيين لا ربنا يحاسبه وعايشين نتفلسف على بعض ونفتي في حاجات ماينفعش نفتي فيها ..... يتبع

يمكن شغلي في المجتمع المدني واحتكاكي بسياسيين وحقوقيين من سنين يخليني اقدر اني احسم القول في ان المنظومه السياسيه عندنا في مصر "خربانه" النظام الحاكم والمعارضه وكله محدش فاهم ولا بيلعب سياسه صح وفي الفتره الاخيره زاد جدا فكره التخوين والتحزيب وتسمية الاشياء بغير مسمياتها وكان دا بدأ يظهر مع بدايه الثوره ونتيجه تغافلنا عن الظاهره دي ابتدى المجتمع يتقسم شويه بشويه لحد ماقربنا نقتل في بعض كمان عندنا حاجه مخليانا مش طايقين بعض هي ان معندناش ثقافه الاختلاف ولا ثقافة حقوق الانسان احنا دايما مش عارفين نحقق الموا طنه بشقيها الاساسيين : تقبل الاخر والتعايش السلمي والاستدامه كمان مش عارفين نحافظ على ثورتنا لان معندناش رؤيه كل اللي كنا عاوزينه تغيير نظام مبارك ولما اتغير اتخبطنا تحت مليون رأي وورا مليون رأي والنخبه اللي موديانا في ستين داهيه كمان حاجات كتير في مصر مخلياني اخرج من سباتي العميق الطويل وادون عن افكاري ورؤيتي للامور صحيح : انا نادرا ما بكتب بالعاميه وبعشق الفصحى بس خليت البساط احمدي :))